Khiangte Construction Ṭhazual GOSPEL: Marshall Fka'n nun thar zawhna hla pakhatna a nihpui

Khiangte Construction Ṭhazual Gospel chart tharah Marshall Fk chuan nun thara zawhna, hla hmanga a rawn puan chhuahna, 'Nun thara zawhna' chu pakhatna a rawn nihpui.

'Nun thara zawhna' tih hlaah hian Marshall Fka hi Moria run-in an rawn pui a ni. A hla leh thluk hi Marshall-a siam vek niin, recording hi SM Digital Recordings-ah an ti a, videography leh editing hi Chamtea Grafix kutchhuak a ni thung.

Seraphic Choir pawhin an hla thar, 'Kan khual zinna ram' chu hma rawn sawn pui zelin, pahnihnaah an rawn chho ta. Amosa Vocal Point pawh 'Khawnge i awm' tih hmangin pathumnaah an rawn lang ta bawk. Top 5-ah hian Sawmtea Chhangte 'Kan chawimawi che' leh, Angaihtei Hnialum 'Thiam channa Kraws' an awm bawk a ni.

Ṭhazual Gospel chart tharah hian rawn lang thar an awm nual. Cindy Lalthanpuii, C. Lalremruata, Arella, Lighthouse te rawn lang tharin, Dr Zoa pawhin a hla thar a rawn lanpui thei nghal bawk.