Jio MAMI Film Festival 2023 ṭan

Mumbai Academy of Moving Image (MAMI) buatsaih, Jio MAMI Film Festival chu October 27 aṭang khan neih ṭan a ni a, November 5 thleng a awh ang.

Festival hawnna inkhawm hi Jio MAMI chairperson, Priyanka Chopra Jonas kaihhruaiin Mumbai-a Nita Mukesh Ambani Cultural Centre (NMACC)-ah neih a ni. Legendary director pahnih Mani Ratnam leh Luca Gaudagnino hnenah Excellence in Cinema Award hlan an ni a, Prakash Magdum chu a lehkhabu, 'Mahatma on Celluloid : A Cinematic Biography' vangin best book on cinema award hlan a ni bawk.

Kareena Kapoor channa, 'The Buckingham Murders' chu opening film-ah hman a ni. World, Asia leh South Asia huangah film hrang hrangte an inel dawn a, South Asia programme bikah hian film 1,000 chuang theh luh a awm.

Festival chhung hian Mumbai khawpui hmun hrang hrang pariatah feature leh short film 250 chuang hi tihchhuah an ni ang.