Matthew Perry-a'n hriatreng a nih duh dan sawi lawk

'Friends' sitcom-a Chandler Bing-a lem a chan aṭanga hriat lar, Matthew Perry chuan a thih hnua hriatreng a nih duh dan tur a lo sawi lawk. Perry hi Inrinni liam ta khan a chenna inah thia hmuh a ni.

Nikum November thlaa interview a neihah, Matthew Perry hian a thih hnuah chuan amah anga ruihhlo/zu ngawlvei ve ṭhinte puitu a nih anga hriatreng nih a duh tih a sawi. "Ka thih hunah chuan, ka chungchangaan sawinaah 'Friends' chu an sawi hmasak zel ni lo se ka duh a ni. Ngawlveite, an ngawlveina aṭanga an tal chhuah theihna atana puitu tia min sawi hmasak ka duh zawk, hemi atan hian theihtawp pawh ka chhuah zel ang," tiin a sawi

Kum 2013 khan Perry hian Malibu-a a in chu ngawlvei, nghei tumte awmna turin a siam a, 'Perry's House' tiin a vuah. A ngawlveina aṭanga tal chhuak tura a beih dante chanchin pawh theater-a tihchhuah turin a ziak tih pawh a sawi bawk.