Box Office : 'Five Nights at Freddy's' a chungnung

North America box office-ah kar liam ta khan horror movie, 'Five Nights at Freddy's' chu a rawn chungnung ber a, 'Taylor Swift : The Eras Tour' a nek chhuak.

'Five Nights at Freddy's' hi beisei aiin a che ṭha a, USD mtd 78 zet la lutin, horror movie zingah tlangzarh kara sum la lut tam pathumna a ni pha a, 'It' leh 'It Chapter Two' chiah a pha lo. Kumina horror opening ṭha ber erawh a ni pha a, "The Super Mario Bros. Movie" dawtah video-game adaptation zingah tlangzarh kara sum la lut tam ber a ni bawk.

"Taylor Swift: The Eras Tour" chu a kar thumnaah no. 2-ah a tla thla a, USD mtd 15 a lak luh belh a, a sum hmuh chhuah hi USD 150 a tling tawh. 'Killer of the Flower Moon' chuan a kar hnihnaah USD mtd 9 la lutin, no. 3-ah a awm bawk.

Film thar, 'After Death' chuan a kar khatnaah USD mtd 5.1 la lutin, palinaah a awm a, no. 1 dinhmun pawh lo hauh tawh, horror movie vek 'The Exorcist: Believer' chuan a kar linaah USD mtd 3.1 lak luh belhin Top 5 a rawn khar.