GTRC-ah Road Safety Awareness programme buatsaih

Honda Motorcycle & Scooter India Pvt. Ltd bultumin, Zote Honda leh Young Indians te chuan October 30 & 31, 2023 khan Gov't. T. Romana College (GTRC) ah ni hnih awh 'Road Safety Awareness Programme' an buatsaih.

He hunah hian Gov't. T. Romana College zirlaite hnenah road safety chungchang zirtirna pek niin, thu leh a taka zirna an kalpui a, zirlaite'n an hlawkpui hle. Gov't. T. Romana College principal Dr. Jennifer Lalbiakdiki chuan, zirlaite tan hetiang hun buatsaih a ni chu lawmawm a tih thu sawiin, zirlaite chu a hmang ṭangkaitu ni ngei turin a chah bawk.

He hunah hian HMSI atangin Abhilash San Area Incharge, Safety Riding Arjun San, Dept Manager, Safety Rinding leh Ravinder San, Section Manager, Safety Riding te'n zirtirna an pek bakah, Info Bikes aṭangin Muantea'n zirlaite fuihna thu a sawi. Aizawl Traffic SP Stephen Lalrinawma pawhin a hmanpui a, traffic rules leh safety chungchang sawiin, zirlaite nen inkawmhona an nei zui bawk.

Zirlaite hian safety gear kimchang nen Honda siam bike leh scooter te an khalh chhin a, khalh dan him leh ṭhate kawh hmuh an ni.