Selena Gomez thusawi dan an sel

Selena Gomez chuan Israel-Hamas indona thleng mek chungchang chu Thawhṭanni khan a IG story-ah a rawn sawi lang a, inbeihna rapthlak thleng chuan a rilru a tihnat thu leh, hei vang hian social media lamah pawh 'break' a lak phah thu a sawi.

"Only Murders in the Building" actress hian indona thleng mekah hian eng lam nge a ṭan a sawi lang lo a, mipui pawisawi lote tawrhna chuan a tina hle tiin, hemi rual hian thil siam ṭhat theih chak mah se, post siam ringawt chuan engmah awmzia a nei dawn lo, tih a sawi zui bawk. Mahse hei hi mi eng emaw zatin rawn selin, khawvel hmeichhia zinga IG-a follower ngah ber a ni a, a thusawiin nghawng a neih theih zia tarlangin, a ṭawng huai ngam lo chu an dem tih an sawi. Ṭhenkhat chuan thil thlen dan dik tak hre chunga inlak neutral tlat chu pawikhawihtute thlawpna lantirna zawk a ni, a ti bawk.