Jungkook-a'n Spotify record a siam leh ta

BTS superstar, Jungkook chuan a solo career hmangin record a siam belh zel. Latto nena an thawh dunna, 'Seven' chuan Spotify-ah record rawn siam lehin, Spotify-a hla dah tawh zinga stream maktaduai nei thei hmasa ber a ni.

'Seven' hian ni 108 chhung Spotify-ah stream tluklehdingawn hi a rawn nei thei a, a hmaa record lo siamtu, ni 112 chhunga stream tluklehdingawn nei thei, Miley Cyrus 'Flowers' record a rawn khum ta a ni. 'Seven' hi tihchhuah a nihin Official UK Singles Chart-ah no. 3 a rawn ni nghal a, solo Korean act zinga tihchhuah kara thleng sang thei ber a ni. Billboard Global 200 leh Billboard Global Excl. U.S. chart-ah no. 1 nihpui bawkin, BTS member zingah solo anga he dinhmun thleng thei hmasa ber a ni a, Latto pawhin no. 1 a nih vawi khatna a ni bawk.