Lersia Play Top Chart: 'Rawng Chawhpawlh' bawk a chungnung leh

Mizo film streaming app, Lersia Play-in October thla chhunga film a hralh chhuah hnem zual, top chart a tihchhuahah September thlaa a chung ber dinhmun hauhtu, 'Rawng Chawhpawlh' bawk a rawn chungnung leh.

GreenRocketTV siam, 'Rawng Chawhpawlh' hi September 23 zan khan Lersia Play-ah dah chhuah niin, hemi thla hian film hralh hnem ber a ni thei nghal a ni. Director hi Abarim Lalrammawia niin, film hlimawm tam phena zirtirna nei ṭha, rinna hrang avanga inmil lohna leh inṭhen hranna awm ṭhin pho lan a ni.

Film hralh hnem pahnihnaah 'Dear Kim' bawk a awm leh a, director hi Jonathan Thangeo niin Amos Lalramchhana Fanai (Highland) produce a ni. Horror-comedy, Johan Lalhmunmawia (JC Motion Pictures) siam, 'Kaphranga Falum Awitea-The Ghost Hunter' chu pathumna a ni leh bawk.

In-House Production kutchhuak, 'Pa Hausa' chu no. 4-ah a rawn chho leh a, 'Thaibawih' film chu no. 5-ah tla tla thung. Film hralh hnem zual top 10-ah hian Mimi, Mo Kawr, Archangkawm, Brother Zova leh Nukawki Pasal te an lang bawk a ni.