'All I Want For Christmas Is You' vangin Mariah Carey khing leh

Kum 1994-a Krismas hla lar 'All I Want For Christmas Is You' tichhuaktu, Mariah Carey lakah a ṭum hnihna atan a hla avang hian thubuai theh luh a ni leh ta.

Andy Stone, Vince Vance tih hminga perform ṭhin chuan a vawi hnih nan kum 54 mi, Mariah Carey lakah hian thubuai hi a theh lut a, ama hla "All I Want for Christmas Is You" tih copyright palzutah a puh a ni. A lawyer-te chuan a hla hi kum 1989 khan Nashville-ah a lo release daih tawh tih an sawi. Andy-a "All I Want for Christmas Is You" hi kum 1993 khan radio-a pek chhuah niin, a kum lehah Billboard Hot Country Singles & Tracks chart-ah pawh a rawn lang a ni. Hemi kum vek hian Mariah Carey hian he hla title ang chiah hi a rawn tichhuak ve leh a ni. Andy hian nikum June thla khan Mariah Carey lakah thubuai hi a lo theh lut tawh a, mahse, November thlaah a hnukdawk leh a ni.