Playstation game hralh chak ber Spider-Man 2

Sony chuan Playstation-in video game a siam tawh zingah Spider-Man 2 chu an hralh chak ber a ni tih an sawi. Tlangzarh a nih aṭanga darkar 24 chhungin physical leh digital-ah copy mtd 2.5 chuang an hralh hman.

Spider-Man 2 hi PlayStation hnuai Insomniac Games siam a ni a, October 20 khan PS5 tan release niin, review lam pawh a hmu ṭha viau. A title ang lo takin Spider-Man game series-ah a pathumna a ni thung a, kum 2018 leh 2020 khan version hmasa pahnih tihchhuah a lo ni tawh. Spider-Man 2 hi darkar 24 chhunga video game hralh chak ber ni mah se, hralh tam lamah ni thum chhunga copy mktd 10 hralh chhuah, 'Legend of Zelda: Tears of the Kingdom' erawh a pha lo thung.