Lersia Play-ah 'Ambush' en theih dawn

Mizo film zinga budget sang ber, 'Ambush (A War Story)' chu hun eng emaw chen show anga kalpui a nih hnuah, zanin aṭangin Lersia Play-ah en theih a ni dawn ta.

'Ambush' hi October 5 zan khan tlangzarhin, streaming app. lama dah hmain show system-in an kalpui hmasa phawt a, Mizoram hmun hrang hrangah show hi ṭum 100 an nei hman. Zanin aṭangin Lersia Play-ah dah a ni tawh dawn a, a man hi a to ber- highest quality Rs. 354, high quality Rs. 295, normal quality Rs. 236, leh low quality Rs. 177 te a ni ang.