India rama arts zirna college ṭha zual 10

Kum 2015 khan India rama kartin chhuak chanchinbu darhzau ber India Today leh Nielsen Company-te chuan 2015 chhunga India rama college ṭha zual an thlang chhuak a, a hnuaia kan tarlante hi arts subject-ah bik India rama zirna in ṭha zual 10-te an ni.

1.St.Stephen's College

February 1, 1881-a din St. Stephen's College hi Delhi khawpuia college upa ber a ni a, kum 1922-a Delhi University din a nih hma khan Calcutta University leh Punjab University hnuaiahte a awm ṭhin a, kumtinin seat 177 a ruak ṭhin.

website: www.ststephens.edu/

Ph: 011-27667271 Address: University Enclave,New Delhi,110007

2.Lady Shriram College for Women (LSR) - Delhi

LSR hi Social Sciences, Humani-ties leh Commerce subject-ah te an hmingṭha hle a, Professional course Elementary Education leh Journalism-te a zir theih bawk. Seats 782 awmna college-ah hian lut turin HSSLC-ah 91% - 98% chin tal hmuh a ngai.

website: www.lsr.edu.in/ Ph: 011-26434459/ 26460400/ 26460434/ 45494949 Address: Lajpat Nagar-IV,New Delhi,110024

3.Loyola College - Chennai

Kum 1925-a Society of Jesus (Jesuits)-in an din college-ah hian Roman Catholic kohhran chu duhsak bik an ni ṭhin a, kumtin seats 915 awmin HSSLC-ah 75% - 90% chin tal hmuh a ngai.

website: www.loyolacollege.edu/ Ph: 044-28178200 Address: Nungambakkam,Chennai,600034

4.Christ University

Kum 1969-a din college hi Banga-lore khawpuia college hlun leh lar ber pawl a ni. He college hian seats 1060 neiin heti zat seats chuh tur hian HSSLC-a 80% - 92% hmu phak lo tan a dil theih loh.

website: www.christuniversity.in Ph: 080-40129009 Address: DSR POST, Hosur Road,Bangalore,560029

5.Hindu College - Delhi

Kum 1899-a din tawh college hian India ram pum huap pawha mi langsar tak tak an lo chherchhuak hnem tawh hle. He college-a lut tur hian 98% - 99% inkar hmu chin tan dil theih a ni a, seats 501 kumtinin a ruak ṭhin.

website: www.hinducollege.org/
Ph: 011-27667184 Address: University of Delhi, University Enclave,New Delhi,110007

6. Miranda House

Delhi Univeristy hnuaia hmei-chhe residential college hi kum 1948 khan Sir Maurice Gwyer chuan a din a, kumtin mi 813 tan seats ruak awm ziahin he college a lut tur tan 89% - 98% inkar mark hmu phak chin nih a ngai.

website: www.mirandahouse.ac.in Ph: 011-27666983/ 27667437/ 2766736 Address: University of Delhi,New Delhi,110007

7.Fergusson College - Pune

Pune khawpuia college lar tak hian undergraduate leh postgraduate students 5,500 bawr vel hnenah Natural Sciences, Computer, Electronics, IT, Humanities leh Social Sciences-ah te zirtirna an pe a, 89% - 96% chin tan dil theih niin seats 594 a awm.

website: www.fergusson.edu/ Ph: 022-30866000 Address: F.C. Road,Pune,411004

8.Madras Christian College(MCC) - Chennai

Kum 1837-a din college-ah hian students 5,000 vel awmin faculty member ringawt hi 220 vel an ni a, departments 31-a awm bawk. Kumtin admission 953 ti ṭhin college-ah hian 70% - 99% hmu tan dil theih a ni.

website: www.mcc.edu.in
Ph: 044-2239865 Address: East Tambaram,Chennai,600059

9.Hansraj College - Delhi

Kum 1948-a din college hi aca-demics record piah lamah sports leh extra-curricular activities-ah an hmingṭha hle. Delhi khawpuia college-ah hian seats 437 awmin 66% - 98% hmu chin tan dil theih a ni.

website: www.hansrajcollege.co.in/ Ph: 011-27667747/ 27667458

Address: Mahatma Hansraj Marg, Malkaganj,New Delhi,110007

10. Ramjas College - Delhi

Kum 1917-a din ṭan college-ah hian seats 719 awmin Delhi khawpuia college upa ber pawla lut tur hian 80% - 94% chin hmu tan dil theih a ni.

website: www.ramjascollege.edu/

Ph: 011-27667706 Address: University Enclave,New Delhi,110007

Cut-off Percentage kan tarlante hi kum 2012-a heng college kan tarlan ten an college a admission tih tum tana an ruahman zat tarlan a ni a, hengte hi la danglam leh thei a ni. ST tan college tinah reservation a awm ziah a, a chunga kan tarlan mark percentage-te khi chu general huang chhunga mite tan bika ruahman a ni. Entir nan LSR-ah chuan 7.5% bawr vel hi reservation a ni a, 7.5% zingah cut off pha an awm loh ṭhin avangin cut off percentage hi tih hniam a ni leh ṭhin a ni.