Clooney, Pitt leh Leonardo-te'n lehkhabu inchuh!

Hollywood khawvela actor langsar ṭhiau George Clooney, Brad Pitt leh Leonardo DiCaprio-te chuan lehkhabu pakhat chhuah tur chungchangah film-a siam leh tura a rights neitu nih tumin an inchuh na hle!

'Killers of the Flower Moon' tih hi The New Yorker magazine-a staff writer David Grann-a ziah a ni a, June 2017 hma chuan tihchhuah ni dawn lo mah se tihchhuah a nih hma hauhin Hollywood actor larte hian an lo inchuh lawk der tawh a ni.

'The Lost City of Z: A Tale of Deadly Obsession in the Amazon' tih lehkhabu vanga hriat hlawh tak David Grann-a lehkhabu thar hi kum 1920 hunlaia hausa tak Osage Indians ho chanchin behchhana ziah niin J. Edgar Hoover-a kaih-hruai Federal Bureau of Investigation (FBI)-in thubuai an chinfel hmasak ber chungchang vel tarlan a ni dawn a, Hollywood actor lar ten chhuah a nih hma hauha film-a siam an inchuh hi thil mak a ni hran lo.