Adam Levine-a nupui a rai

Los Angeles pop rock band Maroon 5 vocalist Adam Levine leh a nupui Behati Prinsloo-te'n chanchin lawmawm an nei a, Victoria's Secret model chhe lo pum hi a ruak ta lo.

Khawthlang media-te tarlan dan chuan Prinsloo nau pai hi thla thum a ni tawh. Levine leh a nupui Behati Prinsloo-te hi July, 2014 khan Mexico-ah an innei a, an pahnih hian chhungkaw hung tak din an duh thu an lo sawi tawh ṭhin.

Levine phei chuan fa tam tak neih a duh thu fiamthua lo sawi tawhin, "Fa hi chu 17 vel neih ka duh a, chu chu a theihin in ring em? Naupang bula awm nuam ka tiin kan chhehvela naupang an awm hi chuan ka hlim ṭhin em em a ni," a ti.

Prinsloo pawhin fa mal a nih avangin fa tam tak neih a duh thu sawiin, "Naupangte ka nih lai aṭangin chhungkaw lian tak din hi ka lo chak tawh ṭhin a, ka nu leh pa te'n keimah chauh fa an neih avangin nu ka nih hunah chuan fa tam tak ka nei ang tiin ka lo suangtuah tawh ṭhin. Fa 10 tal chu nei thei ila a ṭha ang," tiin fiamthuin fa tam tak neih a duh thu a lo sawi tawh.