Prison Break siam thar leh dawn

Mizo-te pawhin kan en nasat tak, American serial drama,'Prison Break' chu siam thar a ni leh a ni dawn.

'Prison Break' hi episode 90 awmin, kum 2005 aṭanga pek chhuah ṭan a ni a, season nga thleng awmin a final episode hi May, 2017-ah pek chhuah a ni. Season rukna a awm dawn nia sawi a awm reng hnuah, tun thlengin chhunzawm a ni ta lo. Tun hnaiah he TV series lar tak hi siam thar leh tumin hma lak a ni a, Hulu streaming service lam pawhin Myyans M.C, co-creator leh showrunner Elgin James-te chu he project atan hian an chhawr tawh. Mahse Prison Break reboot hi original saga-a character-te an lang dawn lo a, an channa tur erawh a ngai, Fox River State Penitentiary-ah tho a ni leh ang. Michael Scofield leh Lincoln Burrows te ni loin, mi thar vek an ni dawn thung.