Jio High End Mall hawnnaah Angaihi Hlondo

Bawngkawn nula, Angaihi Hlondo chu Mumbai-a Jio World Plaza-a Jio High End Mall hawnnaa fashion show buatsaihah a inlan. He hunah hian Victoria Secret model pawh a rawn inlan.

Angaihi hi Anima creative Agency hnuaia awm mek a ni a, Mizo model zinga hmabak nei eng ber zinga mi a ni. Thawhlehni khan Ambani chhungkaw ta, Jio High End Mall hi hawn a ni a, a hawnna puala 'The New Order of Style' fashion show buatsaihah, model-te'n designer pariatte kutchhuak an entir. He fashion show-ah hian India top model-te bakah Victoria Secret model Elsa Hosk leh plus-size super model Ashley Graham pan inlan a, Mizo nula Angaihi Hlondo pawh designer Satya Paul kutchhuak nen a inlan a ni.

Luxury mall hawnnaah hian Priyanka Chopra, Ranveer Singh, Alia Bhatt leh Shah Rukh Khan te pawh an inlan a, Ambani family te leh India rama sumdawng hrawl tak tak tel an ṭhahnem hle.