India rama science zirna college ṭha zual 10

Kum 2015 khan India rama kartin chhuak chanchinbu darh-zau ber India Today leh Nielsen Company-te chuan 2015 chhunga India rama college ṭha zual an thlang chhuak a, a hnuaia kan tarlante hi science subject-ah bik India rama zirna in ṭha zual 10-te niin arts subject-a college ṭha zingah lang nawn an awm nual.

1.St. Stephen's College - Delhi

February 1, 1881-a din St. Stephen's College hi Delhi khaw-puia college upa ber a ni a, kum 1922-a Delhi University din a nih hma khan Calcutta University leh Punjab University hnuaiahte a awm ṭhin a, kumtinin seat 225 a ruak. Seats chuh tur hian 96% - 98% hmu chin tan a theih.

website: www.ststephens.edu/

Ph: 011-27667271 Address: University Enclave, New Delhi,110007

2. Loyola College - Chennai

Kum 1925-a Society of Jesus (Jesuits)-in an din college-ah hian Roman Catholic kohhran chu duhsak bik an ni ṭhin a, kumtin seats 1171 awmin HSSLC-ah 80% - 90% chin tal hmuh a ngai.

website: www.loyolacollege.edu/ Ph: 044-28178200 Address: Nungambakkam, Chennai,600034

3. Christ University - Bangalore

Kum 1969-a din college hi Banga-lore khawpuia college hlun leh lar ber pawl a ni. He college hian seats 420 neiin heti zat seats chuh tur hian HSSLC-a 78% - 92% hmu phak lo tan a dil theih loh.

website: www.christuniversity.in Ph: 080-40129009 Address: DSR POST, Hosur Road,Bangalore,560029

4. Miranda House - Delhi

Delhi Univeristy hnuaia hmeichhe residential college hi kum 1948 khan Sir Maurice Gwyer chuan a din a, kumtin mi 398 tan seats ruak awm ziahin he college a lut tur tan 90% - 96% in-kar mark hmu phak chin nih a ngai.

website: www.mirandahouse.ac.in Ph: 011-27666983/ 27667437/ 2766736 Address: University of Delhi,New Delhi,110007

5. Fergusson College - Pune

Pune khawpuia college lar tak hian undergraduate leh postgraduate students 5,500 bawr vel hnenah Natural Sciences, Computer, Electronics, IT, Humanities leh Social Sciences-ah te zirtirna an pe a, 60% - 95% chin tan dil theih niin seats 1072 a awm.

website: www.fergusson.edu/ Ph: 022-30866000 Address: F.C. Road,Pune,411004

6.Madras Christian College (MCC) - Chennai

Kum 1837-a din college-ah hian students 5,000 vel awmin faculty member ringawt hi 220 vel an ni a, departments 31-a awm bawk. Kumtin admission 860 ti ṭhin college-ah hian 650% - 99% hmu tan dil theih a ni.

website: www.mcc.edu.in Ph: 044-2239865 Address: East Tambaram,Chennai,600059

7.Hindu College - Delhi

Kum 1899-a din tawh college hian India ram pum huap pawha mi langsar tak tak an lo chherchhuak hnem tawh hle. He college-a lut tur hian 96% - 97% inkar hmu chin tan dil theih a ni a, seats 487 kumtinin a ruak ṭhin.

website: www.hinducollege.org/ Ph: 011-27667184 Address: University of Delhi, University Enclave,New Delhi,110007

8.Sri Venkateswara College - Delhi

Kum 1961-a din India rama college ṭha ber pawlah hian seats 764 a ruak a, lut duh tan 96% - 97% hmu chin tan dil theih a ni.

webiste: www.svc.ac.in/ Ph: 011-24112196/ 24118590 Address: Benito Juarez Road, Dhaula Kuan, Delhi,110021

9.Hansraj College - Delhi

Kum 1948-a din college hi academics record piah lamah sports leh extra-curricular activities-ah an hmingṭha hle. Delhi khawpuia college-ah hian seats 692awmin 79% - 98% hmu chin tan dil theih a ni.

website: www.hansrajcollege.co.in/ Ph: 011-27667747/ 27667458

Address: Mahatma Hansraj Marg, Malkaganj,New Delhi,110007

10. Stella Maris College - Chennai

Kum 1947-a din ṭan college hian hma a sawn chak hle a, college din kuma students 32 nei college hian students 3000 vel kumtin nei ziah ang an ni tawh. Chennai khawpuia college hian kumtin seats ruak 442 neiin mark hmuh ngai zat hi 60% - 90% a ni.

website: www.stellamariscollege.org/ Ph: 044-28111987/ 28111951 Address: 17, Cathedral Road,Chennai,600086

Cut-off Percentage kan tarlante hi kum 2012-a heng college kan tarlan ten an college a admission tih tum tana an ruahman zat tarlan a ni a, hengte hi la danglam leh thei a ni. ST tan college tinah reservation a awm ziah a, a chunga kan tarlan mark percentage-te khi chu general huang chhunga mite tan bika ruahman niin ST tan percentage hmuh ngai zat hi a danglam leh ṭhin.