hmun vohbikah Vohbik

Hontrade International Ṭhazual Fakna chart-a hmun vohbikah Vohbik an rawn lang a, 'Jordan lui' hla hmangin he hmun ropui hi an rawn luah a ni.

Tunhnaia music video album 'Halleluiah' tichhuak a, Zo rimawi khawvela chuai lo tur, Vohbik hian Mizo hmeichhe group-a an ropuina tizuala tinghet turin Hontrade International Ṭhazual Fakna 10-ah hian hmun sang ber an rawn chang a, an hla 'Jordan lui' hi tunhma aṭanga kan hriat lar tawh, an lo sak fo tawh kha a ni.

He hla hi an member, Lalremsangi pasal thi ta, Pastor Lalrodinga hriatreng nana an siam a ni a, hlawhtling pawh a hlawhtling hle. January 18-a Ṭhazual tihchhuahah khan pakuanaah a rawn lang ṭan a, a dawt lehah pawh pakuanaah bawk a awm leh a ni. February 15-a tihchhuah kha chuan pariatnaah a kai chho a, February thla a tawp dawn kha chuan pathumnaah daih rawn kai chhoin, tunah hian pakhatnaah a rawn kai ta a ni.

A hmaa pakhatna hauhtu, Grace Lal-chhanhimi chu pakhatnaa a zawna vawi thum a hauh hnuah pahnihnaah a chhuk thla a, palina aṭangin Emily Vanlaltluangi chu pathumnaah a rawn chho thung. Baby Malsawmtluangi pawh palinaah a rawn kai ta bawk. Hontrade International Ṭhazual Faknaah hian Mawitei chu a hla thar 'A thlamuan ang che' tih hmangin top 10-ah a rawn lang a, Bethsy Lalrinsangi chu top 10 aṭangin a chhuak thung.

Hontarde International Ṭhazual Fakna

1 Vohbik - Jordan lui

2 Grace Lalchhanhimi - Rorelna ni

3 Emily Vanlaltluangi - Ka zin kawng

4 Baby Malsawmtluangi - Ka hlau lovang

5 Temii Sailo - Ka lungawina Isua

6 One in Christ - Ni Thar

7 Pensy- Duhthlanna ruamah

8 Feli Thangluah - Kei min thlang

9 Esther Khiangte - I tan ka awm

10 Mawitei - A thlamuan ang che