Little Mizo Champs 2 vawiin thleng

Naupangte tana school chawlh laia intihsiakna Xcite Events 'n' Ideas-in an buatsaih Little Mizo Champs-a tel tumte tan vawiin thleng hian Zonet Office-ah registration a la tih theih. Little Mizo Champs-ah hian lâm, zai, instrumental music, arts, mimicry, acrobatics te hmanga intihsiaknate neih a ni ang a, kum 4 aṭanga kum 14 chin tan tel theih a ni. Pakhatnain Rs. 25,000; pahnihnain Rs. 15,000 leh pathumnain Rs. 10,000 an dawng ang. March 16 leh 17 te hian Chanmari YMA Hall-ah audition neih a ni ang a, March 19 hian Vanapa Hall-ah Grand Finale neih a ni ang. Mi pakhatin minute 7 zel hun an nei thei dawn a ni.