Matthew Perry vui liam a ni ta

'Friends' star Matthew Perry aka Chandler Bing, kum 54 mi chu November 3 khan Los Angeles-ah vui liam a ni ta. A vuinaah hian a chhungte leh 'Friends'-a a chanpui - Jennifer Aniston, Courteney Cox, Lisa Kudrow, Matt LeBlanc leh David Schwimmer te an tel. Perry hi October 28 khan L.A-a a chenna ina hot tub-ah thia hmuh a ni. A thih chhan tak hi puan a la ni lo.

Perry hi Hollywood Hills-a Forest Lawn thlanmualah vui a ni a, he hmun hi season 10 chhung 'Friends' an lo channa, Warner Brothers studio aṭanga mel khat pawh tling lo a ni. He thlanmualah hian Hollywood A-lister - Michael Jackson, Lucille Ball leh Elizabeth Taylor-te pawh phum an ni.