Taylor Swift-i'n record siam leh nghal

Taylor Swift chuan a album thar, 1989 (Taylor's Version) hmangin record a rawn siam leh nghal a, tihchhuah a nih aṭanga kar khat chhung lekin kumin chhunga America-a album hralh hnem ber a ni nghal.

Billboard-in a tarlan danin, 1989 (Taylor's Version) hi tlangzarh a nih aṭanga ni nga chhungin America bikah chauh copy maktaduai an hralh nghal. Streaming service lam a lar chhoh tawh avangin tu tan pawh album copy maktaduai hralh tlin hi a harsa tawh a, mahse, Swift chuan ni nga chhung lekin a rawn hralh thei der a ni. Chart lamah pawh a rawn lang chho ngei dawn a, Billboard 200 lamah no.1 ni thei album a neih belh leh ngei a rinawm.