Gomez-i'n IG tihtawp a tum thu a post-na delete leh

Singer-actor Selena Gomez chu Israel-Hamas indona thleng mek chungchangah a comment-in sawi zui leh beih zui a hlawh hle a, hei vang hian amah pawh tibuaiin a rilru a siam fel mai thei lo niin a lang.

Ningani khan Gomez hian a IG story-ah a IG tihtawp a tum thu sawiin, 'Thil thleng mekah hian tumah ka support' tih thu a ziak bawk. Mahse a hnuah a thu post hi a delete leh a, a IG pawh hi a titawp zui ta chuang lo a ni. Gomez hian a hmain a IG-ah indona thleng mekin a tihnat thu leh, thil siam ṭhat theih chak mah se post siam ringawt chuan awmzia a neih loh thu a sawi a ni. Mahse khawvel hmeichhe zinga IG follower ngah ber hian huai tak leh tlang takin thu sawi se, nghawng a nei ngei ang, tin a ṭawng huai ngam lo chu mi tam takin an sel zui a, a inlak neutral tlat chu firfiaka chetna thlentute thlawpna lantirna a ni, ti tein an sawi. Selena Gomez hian IG-ah follower mtd 430 a nei mek a ni.