Pensy hla thar a chhuak ta

Mizo zinga zaithiam langsar berte zinga mi, Pensy B Lalthangliani chuan a hla thar 'Ka tan Kraws-ah ngei chuan' tih hmanga music video a siam thar chu a tichhuak ta a; ama YouTube channel-ah en theih a ni.

'Ka tan Kraws-ah ngei chuan' tih hla hi Zohmaa Jahau phuah a ni a; suala tlu ṭhin mihringte'n thlamuantu a zawng ṭhin a, thlamuanna chu 'kraws' ah a awm thu leh, suala tlu fote pawh Pathianin a hnar ngai lo a, a hnen pan tura a awm reng thu leh, nun kawng bumboh taka hruaitu atana Pathian auhna hla a ni.

Lunglei nula Pensy hian a hla hi kumin February thla khan Blue Wave Records-ah an lo record tawh a, music chu MMTech kutchhuak a ni a, music video erawh chu Peter Video Production kutchhuak a ni thung.

Pensy music video thar hi May 25, Thawhṭanni khan tihchhuah a ni a, ama YouTube channel 'Pensy B Lalthangliani' tihah dah niin, a duh apiang tan en theih a ni.