Kanye West-a'n CD-in tichhuak dawn tawh lo

Tunlai khawvelah internet a ṭha tawh a, mi tam takin an hman theih tawh avangin CD leh DVD te pawhin mual a liam leh ṭan hmel ta riau. Kanye West chu hetiang lama a kal hmasa deuh a nih duh hmel a, album a tihchhuah leh pawhin CD chuan a tichhuak tawh lo ang.

Kanye West chuan kumin chhungin hna nasa lehzualin a thawk ang a, a music lamah a rilru nasa lehzualin a sawrbing dawn tih a sawi a, hemi rual hian CD-a album tihchhuah tawh loh a tum thu hi a sawi bawk. West chuan album a tichhuak leh a nih pawhin CD chuan a siam tawh lo ang a, streaming site-te a hmang tawh zawk dawn. Zaithiam dangte pawhin an la ti ve sup sup mai thei.