Cole Sprouse leh Lili Reinhart an inṭhen?

'Riverdale' lovebirds, tunlai tleirawlte'n an buaipui em em Cole Sprouse leh Lili Reinhart-te chu coronavirus hripui­in khawvel pum a tihbuai hma khan an inṭhen tawh niin khawthlang lam media-te chuan an tarlang.

Cole Sprouse leh Lili Reinhart-te hi kum 2017 aṭang khan an inzui ṭan a, kum thum lai an inngaih­zawn hnuah an inṭhen ta tih report hi a awm a, ṭhian ṭha tak erawh an la ni zel niin an sawi.

New York Post Page­Six column-ah 'Riverdale' star-te chanchin hi tarlan a ni a, quarantine-ah pawh a hrangin an awm a, nikum lamah khan an inṭhen tih thu thang tawh mah se thuchiang hriat tur a awm lo a, mahse tunah erawh an inṭhen chiang ta niin a lang.

Cole Sprouse-te chan­na American teen drama television series 'Riverdale' hi kum 2017 January khan tihchhuah ṭan a ni a, season li tih­chhuah tawh niin nakkum January hian season ngana tihchhuah leh an tum a ni.