Time Magazine Most Influential People on Internet-ah Kanye West

Time Magzine chuan internet-a mi, huhang ngah ber ber a thlang chhuak a, chung zingah chuan Kanye West a chungnung ber a, graphic designer hlawhtling Joy Cho chu pahnihna a ni a, pathumna chu Late Late Show-a host, James Corden a ni.

Kanye West hi internet-a huhang ngah bera thlan chhuah a nih chhan zingah chuan Twitter-a a thu post-ten sawizui a hlawh em em ṭhin a, inhnialna chawk chhuaktu lian a ni ber. Hengte avang hian Time Magazine chu Internet-a Huhang Ngah Ber ber Mi 30 a thlan chhuah zingah pakhatna a luah a ni.

Jay Cho hian Twitter-a zuitu mi maktaduai 12.8 a nei a, Twitter-a a chetvelnain sawizui leh ngaihven a hlawh ang bawkin lifestyle blog a siam chuan ngaihven leh en a hlawh a, Pinterest lamah pawh a lar hle. Kumina White House-a Easter Egg Roll pawh amah hi an design-tir.

CBS-in a tihchhuah, Late Late Show-ah James Corden hi host a ni a, Time Magazine Most Influential People on Internet-ah pathumna a ni. Amah hi British mi a ni a, comedian a ni a, mio lawm a hlawh hle.

YouTube aṭanga sex education lama lar Laci Green chu palina a ni a, Josh Holz leh Daniel Lara chu pangana an ni. DJ Khaled chu paruknaah a awm a, Johnetta Elzie leh DeRay Mckesson te pahnih chu pasarihna niin, Harry Potter ziaktu JK Rowling chu pariatna a ni. Feliz Arvid Ulf Kjellberg chu pakuana niin, amah hi Swedish mi a ni a, gamer a ni a, game khawvelah chuan PewDiePie tia hriat a ni. US politician Donald Trump chu 10-naah a lang pha.

Top 10-a lang pha lo zingah Cristiano Ronaldo chu 12-naah a lang a, Caitlyn Jenner chu 13-na a ni bawk. India PM, Narendra Modi chu 15-naah a lang pha.