Jolie-i'n Greece-a raltlante a tlawh
United Nations High Commissioner for Refugees (UNHCR) a nihnain Angelina Jolie chuan Greece-a raltlan, Macedonia kaltlanga Europe-a luh tumte chu a tlawh a, raltlante dinhmun a enfiah. A hmain Lebanon a tlawh a, hetah hian press conference neiin, khawvel ram hruai-tute chu raltlante
ṭanpui tur leh, raltlante dinhmun a ṭhat theih nana hma la turin a nawr a ni. Suria rama tualchhung indona avangin he rama mihring maktaduai 25
aṭangin maktaduai 5 vel chu an raltlan a, heng zinga a tam zawk hi Jordan, Turkey, Lebanon leh Iraq-ah te an tangkhang mek. Raltlan eng emaw zat chuan Greece aṭanga Europe luh tumin Greeece-ah an kai a, mahse Macedonia ramin ramri a khar avangin Greece-ah hian tam tak an tangkhang a ni.