Oscars avangin Academy Executive-ten thupha an chawi

Thla liam taa Oscars sem zana Asian naupang pathum stage-a an rawn chuan chhuah khan mi ṭhenkhatin fiamthu thawh nan an hmang a, chungah chuan Sacha Baron Cohen pawh a tel. Hemi thua Asian mi, Hollywood milar ṭhenkhatten Academy executives te hnena lungawi lohna thu an thlenah Academy executive-te hian thupha an chawi.

Director lar Ang lee te, lemchan thiam - George Takei leh Sandra Oh te chuan Academy executive-te hnenah hian Asian behchhana fiamthu thawh chu an lungawi loh thu ziakin an thlen a, a hnuah thupha chawina hi an tichhuak ta a ni.

Oscars sem takah khan nominee zingah mingo ni lo, vun rawng dang an lan tlem avangin sawisel a nasa hle a, khami ṭuma fiamthu thawh pawh kha a tirin aṭangin sawisel hlawh ber pawl a ni.