Editor of the Year - Gaga

Lady Gaga hi zai lamah chauh ni loin chanchinbu enkawl lamah pawh talent a nei ṭha hle a, hei vang hian Editor of the Year chawimawina an pe dawn.

January thla aṭang Lady Gaga hi V Magazine-ah guest editor-in a awm a, hei bakah hian cover girl-ah a awm bawk. Hemi chhunga a hnathawh leh a contribution chu Daily Front Row hian ropui an ti hle a, tun Pathiannia Fashion Los Angeles Awards an sem turah Editor of the Year chawimawina an hlan dawn a ni.

Daily Front Row-a an editor-in-chief, Brandusa Niro chuan, "Talent ropui tak a nei a, he hunah artist ropui leh ṭha a ni," tiin an chanchinbu cover siam vel chungchanga a talent neihte a fak hle. "Music, fashion, film leh culture-a a tha thawhte hi chawimawi phu hliah hliah an ni," a ti.

Patiannia Fashion Los Angeles Awards an sem turah hian reality TV star ṭhin, tuna fashion designer ni ta, Nicole Richie chuan a host ang a, Gaga bakah hian Gigi Hadid laizawn, a nau, Bella chu Model of the Year chawimawina an hlan bawk ang.