Little Mizo Champs 2 champion Zo Nation Junior

SBI Life leh Xcite Events 'n' Ideas (Xplus Management Group) tena an buatsiah, Little Mizo Champs 2 chu Inrinni zan khan zawh fel a ni ta a, a pumpuiah Zo Nation Junior chu talent nei ṭha ber an ni a, pakhatna an ni.

Inrinni zana Vanapa Hall-a Little Mizo Champs 2 grand finale-ah hian audition paltlang mimal leh group 33 ten intihsiak an nei leh a, hetah hian Zo Nation United chu pakhatnaa thlan an ni a, pahnihna B. Lalenkawla niin pathumna chu Grace Lalawmpuii Pachuau a ni. Top 10-ah Hoyabia Lalrin-hluii, Samuel Lalhruaifela, H Lalchhandama, Swa-gota Sinha, Remlalfaka, F. Vanlaldiki leh Guardian's Crew te an lang.

Pakhatna Zo Nation United hian Rs. 25,000 an dawng a, pahnihna hian Rs. 15,000 leh pathumnain Rs. 10,000 an dawng. Top 10-a langte hian consolation prize an dawng ṭheuh bawk. Pakhatna Zo Nation United hi naupang tê tê ni mah se an lâm thiam hlawm hle.