College Quiz Quarter Final

Career Point presents MPSC Challenge Inter-College Quiz Competition quarter final draw neih a ni a, zanin aṭanga neih ṭan tur a ni. Match hmasa berah Champhai College leh Lawngtlai College an inhmachhawn ang a, a dawtah Aizawl College leh Serchhip College an inhmachhawn leh ang. Thawhlehni zan hian Aizawl North College leh Pachhunga University College an intum ang a, chumi zawhah chuan Kolasib College leh Johnson College te an inhmachhawn leh dawn a ni. Inter-College Quiz intihsiak hi LPS 10 leh Zonet Daifim-ah live-a pek chhuah ṭhin a ni.

He quiz-a zawhnate hi MPSC siam niin UPSC Exam-ah kum hnih chhung chu Mizo tling an awm tawh lo a, chuvang chuan MPSC hian Mizote kan tlin theih nan ruahmanna hetiang hian a siam ta a ni. Aizawl pawn aṭangin college panga an tel a, heng zingah college paliin quarter final an lut a ni. Aizawl khawpui chhung aṭangin college/institution 11 telin team paliin quarter final an lut bawk. He quiz-a champion team hian lawmman dang an dawn bakah Career Point Coaching Academy-ah a thlawnin coaching class an kal thei dawn a ni.