Chris Evans leh Robert Downey Jr. te comeback dawn

Marvel-in Avengers movie thar a siam turah, 'The Avengers' original cast-te chantir leh vek an duh thu a sawi hnuah, Chris Evans leh Robert Downey Jr-te chuan Captain America leh Iron Man-ah comeback an remti nia sawi a ni.

Original cast zingah hian Jeremy Renner 'Hawkeye', Mark Ruffalo 'Hulk' leh Chris Hemsworth 'Thor' te an tel a, 'Thor' pawh hi a tel chhunzawm zel dawn nia sawi a nih laiin, superhero dangte dinhmun erawh sawi chian a la awm lo. Superhero movie lawmna hi a tlahniam a, tunhnai Marvel film chhuak,"Ant-Man and the Wasp: Quantumania" leh "Guardians of the Galaxy Vol. 3" pawh beisei angin box office lamah an che ṭha lo. Hei vang hian Marvel chuan ṭan rawn lak thar an tum a, Avengers movie thar, 'Avengers : The Kang Dynasty' chu kum 2026-a tihchhuah turin a ruahman.