Hna pangngai zawng turin Khaby Lame hrilh

TikTok-a follow nasat ber, sponsored content hmanga sum tam tak hlawh chhuaktu, Khaby Lame chuan video a siam tirh hian mi tam takin hna pangngai zawng tura an hrilh thu a sawi. Mahse video chu a siam lui zel a, "Tumahin en lo mah se ka siam zel tho a ni," a ti.

Video dangdai leh nuihzatthlak tak a siam ṭhin chu larpuiin, khawvel huapin a content chu mi tam tak hlimpui a ni tawh. Brand hrang hrang pawhin thawhpui duhin an vir hut hut reng tawh a ni. Company ṭhenkhat phei chuan a video pakhat chauha an product a tihlanna atan USD 750,000 thleng pek pawh an phal tawh niin Forbes chuan a tarlang. A hausakna hi USD mtd 16.5 a tling tawh nia chhut a ni bawk.