Miss Northeast 2023 2nd runner-up Jennifer Ralte

Miss Northeast 2023 grand finale chu November 5 zan khan Gangtok, Sikkim-ah neih a ni a, hmarchhak state pariat aṭanga title winner-te an inel. Mizoram aṭanga tel, Jennifer Lalrinzuali Renthlei chu 2nd runner-up a ni a, 'Miss Rampwalk' lawmman a la bawk.

Nagaland aiawh, Kenei Ritse chu Miss Northeast 2023 atan thlan a ni a, first runner-up-ah Assam nula Anamika Borah thlan a ni. Mizoram aiawh, Jennifer Ralte hi Govt. Aizawl College Miss 2022 pawh a lo ni tawh a ni.

Miss Northeast 2023 grand finale hi Gangtok-based event management company, Positude chuan a organise a, Saram Garden-a hun hman hi Sikkim chief minister Prem Singh Tamang pawhin a telpui.

Miss Northeast hi hmarchhak huam chhunga miss thlanna rintlak leh lian berah ngaih niin, a vawi khat nan kum 2022 khan Nagaland khawpui Kohima-ah neih a lo ni tawh a, Meghalaya nula Irene Dkhar chu pakhatna a ni. State hrang hrangah neih ṭhin tura ruahman a ni.