Billboard 200: Taylor Swift-i'n a chungnunna lantir zel

Taylor Swift chuan a album tihchhuah thar,"1989 (Taylor's Version)" thar hmangin awlsam takin Billboard 200 album chart-ah a chungnunna a rawn lantir leh.

"1989 (Taylor's Version)" hian tlangzarh karah US-ah equivalent album unit mtd 1.653 zet a nei a, kum 10 dawn chhunga album tihchhuah zingah tlangzarh kara unit nei tam ber a rawn ni. Hei bakah hian Taylor Swift hian chart-a no. 1 ni thei album 13 a neihna a ni bawk. He album hi kumina album tihchhuah tawha hralh chhuah hnem ber ni nghalin, modern-era-a kar khat chhunga Vinyl sales record a siam bawk. Hei chauh a la ni lo, kum 2015 hnua kar khata CD album hralh chhuah tam ber leh, Swift-i re-recorded album zingah kar khata stream ngah ber a ni bawk a ni.

SEVENTEEN chuan "SEVENTEENTH Heaven: 11th Mini Album" hmangin pahnihna a rawn hauh a, Top-10 chart-a ṭum li an awmna a ni ta bawk. Kar liam ta chhungin equivalent album unit 1,00,000 an nei. Drake 'For All the Dogs' chu no. 3-ah tla thlain, unit 95,000 a nei. Bad Bunny "Nadie Sabe Lo Que Va a Pasar Manana" chu no. 4-ah a ding nghet thung, Morgan Wallen "One Thing at a Time" pawh no. 5-ah a la awm chhunzawm zel.

Rod Wave "Nostalgia" chu no. 9 aṭangin no. 6-ah a rawn invawrh chho leh. Taylor Swift album dang pahnih 'Midnights' leh 'Lover' bakah, Zach Byran self-titled album leh SZA 'SOS' te chu Top 10-ah an la lang bawk a ni.