2023 Sexiest Man Alive-ah Patrick Dempsey

People magazine chuan actor Patrick Dempsey chu 2023 Sexiest Man Alive-ah a thlang.

Thawhlehni zana 'Jimmy Kimmel Live' show-ah Dempsey hi Sexiest Man Alive atana thlan a nih thu hi puan a ni. Nikum khan Marvel star, Chris Evans chu he title hi hlan a lo ni tawh.

Kum 57 mi, Patrick Dempsey hi 'Enchanted' film franchise leh 'Made of Honor'-ahte a chang a, medical drama 'Grey's Anatomy'-a Derek Shepherd aka 'McDreamy'-a a channa chu hriat a hlawhna ber a ni. Hollywood a luhchilh ṭan tirh, kum 30 chuang liam taah khan Sexiest Man Alive-ah hian thlan a lo ni tawh bawk.

Race car driver ni bawk, Dempsey hi big-screen lamah a let dawn a, Michael Mann-a direct, biopic "Ferrari"-ah Italian Formula One driver Piero Taruffi lemah a chang dawn. Dempsey hian a nu, Amanda hriatrengna pualin, cancer vei leh an chhungte puihna turin Dempsey Center a din bawk a ni.