Serena Williams hnenah 'Fashion icon' award hlan

Council of Fashion Designers of America chuan tennis legend, Serena Williams chu fashion icon-ah a thlang. New York-a awards ceremony an neihah, television star Kim Kardashian chuan 2023 CFDA fashion icon award hi Williams hi a hlan a ni.

Grand Slam singles champion ṭum 23 ni thei, Serena Williams hi athlete zingah he chawimawina dawng hmasa ber a ni. He award lo dawng tawh zingah hian Beyonce, Zendaya leh Rihanna-te an tel. Kum 42 mi, Williams hian tennis a khelh hnuah pawh fashion lam hi a zir a, Grand Slams karah fashion school-ah a kal ṭhin. Kum 2018 khan a clothing line, S by Serena tih chu a siam a ni.