Tawang Festival-a Show stopper Nunui Rualhleng

Arunachal Pradesh festival lian ber zinga mi, Tawang Festival chu Zirtawpni khan zawh a ni ta. He festival-a hian Mizo model, Nunui Rualhleng chu hnam thuam pholanna (Ethnic Show)-ah show stopper niin, Arunachal Pradesh Chief Minister ruahmanna hnuaia ṭhalaite hnena thuchah sawina programme vawi hnih hmanpuiin, motivational speaker atan AP sorkar chuan a hmang a ni.

Tawang festival hi ni thum awh niin, Tawang culture chawisan nan leh, Arunachal-a hnam hrang hrangte ziarang zau zawka thehdarhna atan hman ṭhin a ni. Hmun dang aṭangin zaithiam leh khualṭha te an sawm lut ṭhin bawk.