Pensy-i tuman an chelh ding zo lo

Fakna lamah pakhatna a hauh fo hnuah Pensy B. Lalthangliani chuan Hontrade International Ṭhazual Lengzemah pakhatna a rawn hauh ve ta. Fakna leh Lengzem chart-a pakhatna hauh thei pahnihna a ni.

Pensy-i hian 'Chelh ding rawh' tih hla hmangin Hontrade International Ṭhazual 10 - Lengzemah hian pakhatna a rawn hauh a, he hla hi lenglawng hla, ṭhian ngaihna hla a ni. Fakna leh Lengzem chart-a pakhatna hauh thei ve ve hmasa ber chu Lancy Remlalhruaii a ni a, ani hian nikum khan Lengzem chart-ah hian pakhatna a rawn hauh tawh a, Pensy-i'n a hnung a zui ve thung.

'Chelh ding rawh' tih hla hi January thla tawpah khan Pensy-i hian TV-ah a dah a, February 23 khan Top 10-ah rawn lang ṭanin, pangana dinhmunah a rawn ding nghal thei a ni. March 8 khan pathumnaah rawn langin, tunah pakhatna a rawn hauh thei a, a vawi thum lannaah pakhatna a hauh thei nghal.

Remkimi Cherput hla 'Zoawi lelte a fam ta' chu palinaah a tla thla a, a zawna pakhatna vawi li zet hauh thei, Lawmi Khiangte hla 'Kan hlimlai' chu pahnihnaah bawk a awm leh. Samuela Chhangte leh Sangkimi Khiangte te hla 'Inṭhen lawng' chu pangana aṭangin pathumnaah a rawn chho a, TRC Various Artists hla 'Romanians' chu panganaah an rawn kai bawk.

StAge ft Sangtei Khawlhring te hla 'Beiseina' chu pakuanaah a rawn lang thar a, Zothan 'Sam ang ka ṭhen ta e' chu pariatnaah a rawn lang thar bawk. Mathlenga 'Mizo thawnthu' a tawlh liam a, Mampuii Thlauhthang pawh a liam ta bawk.

Hontrade International Ṭhazual 10 Lengzem

1 Pensy B Lalthangliani -Chelh ding rawh

2 Lawmi Khiangte -Kan hlimlai

3 Samuel Chhangte & Sangkimi Khiangte -Inṭhen lawng

4 Remkimi Cherput -Zoawi lelte a fam ta

5 TRC Various Artists-Romanians

6 F Zomuanpuia -Don't let me down

7 J& J -Ka hmangaih ber che

8 Zothan -Sam ang ka ṭhen ta e

9 stAge ft Sangteii Khawlhring -Beiseina

10 Ananda -Zo lanu leng