Rihanna bawkin hma a hruai leh

February thla daih tawh khan 'Anti' album hmangin Rihanna chuan Billboard album chart-ah pakhatna a lo hauh tawh a, a liam thla tawh mai dawn nia an ngaih deuh hnuah pakhatna a rawn hauh leh ta.

Rihanna album 'Anti' hi kar liam ta chhung khan copy 54,000 an hralh a, pakhatna a ni. Kar liam ta leh kar hmasa leh lamah khan album ropui tak chhuak a awm lem lo a, hei hi Rihanna tan chuan thil lawmawm tak a nih phah ta a ni. Album pangngaia a hralh zat chu a tam lo zawk a ni tawh thung a, copy 17,000 chauh a ni a, album tlukpuiin a hralh hnem a ni.

Adele album hit 25 chu pahnihnaah a la awm thei a, Rihanna nena an inthlauhna a tam lo hle a, Adele hian copy 51,000 lai a la hralh leh thei a, nikum November thla aṭangin pangana hnuai lamah a la awm lo hrim hrim. Justin Bieber pawh a la hlawhtling zel a, a album Purpose chu pathumnaah la awmin copy 48,000 a hralh leh a ni.

Lang thar, Billboard album chart-a 10-na china lang pha awm chhun chu rock band, Killswitch Engage album thar a ni. An album thar hi 'Incarnate' a ni a, paruknaah a rawn lang a, kar liam ta chhung khan copy 35,000 an hralh. Killswitch Engage hian top 10-a lang pha album pathum an neihna a ni a, kum 2013 leh 2009 te khan top 10-ah an lo lang tawh.

Billboard Hot 200

"Anti" - Rihanna (54,000)

"25" - Adele (51,000)

"Purpose" - Justin Bieber (48,000)

"Hymns" - Joey + Rory (44,000)

"untitled unmastered." - Kendrick Lamar (38,000)

"Incarnate" - Killswitch Engage (35,000)

"Traveller" - Chris Stapleton (34,000)

"Blurryface" - Twenty One Pilots (33,000)

"Islah" - Kevin Gates (30,000)

"3001: A Laced Odyssey" - Flatbush Zombies (28,000)