Divergent aiah Zootopia bawk

Animated movie Zootopia chuan North American box office-a a ropuina a la humhim zel a, Divergent thar ber, The Divergent Series: Allegiant awm mah se, a dinhmun a hloh duh lo.

Zootopia hian USD mtd 38 zet a lakluh belh leh a, hengte nen hian N. America bikah hian USD mtd 201.8 zet a lalut tling tawh. Kar tawp chhung khan he movie hian ram dangah USD mtd 64.8 a hmu chhuak bawk a, khawvel pum huapa a sum thawh chhuah tawh zawng zawng hian USD mtd 600 a hnaih tawh hle.

The Divergent Series: Allegiant chu pahnihnaah a awm a, US-ah hian an chhuah thar ni mah se Zootopia tan hlauhawm thamin sum a thawk chhuak lo. Kar tawp chhung khan USD mtd 29 a hlawh chhuak a, Zootopia nen maktaduai 11 zetin an inthlau. Divergent chhuak hmasate a tluk lo hle a, Divergent, a chhuak hmasa ber khan opening week-ah USD mtd 54.6 a lalut thei a, The Divergent Series: Insurgent khan USD mtd 52.3 a lalut bawk.

Kristian film, Jennifer Garner channa leh a inhmuhchhuah a, kohhran a belh leh phahna film, Miracles From Heaven chu pathumnaah a lang pha. He movie hian kar tawp chhung khan USD mtd 15 lai a hlawh chhuak a, US-a nu leh pa lhe mipui hrim hrimin, zirtir nei ṭha, chhungkuaa enho ngam film an mamawhzia leh an duhzia a tilang awm e. He film hi naupang damlo, chaw ei thei lo, feeding tube hmanga nung naupangin Pathian tihdamna a chan chanchin a ni.

Box office movie

"Zootopia" - $mtd38

"The Divergent Series: Allegiant" - $mtd29

"Miracles from Heaven" - $mtd15

"10 Cloverfield Lane" - $mtd12.5

"Deadpool" - $mtd8

"London Has Fallen" - $mtd6.9

"Whiskey Tango Foxtrot" - $mtd2.8

"The Perfect Match" - $mtd1.9

"The Brothers Grimsby" - $mtd1.4

"The Revenant" - $mtd1.2