An bassist hluiin Linkin Park a khing

American nu-metal band, Linkin Park chu an band bass player hlui, Kyle Christner chuan court-ah a khing.

Kyle Christner chuan a bandmate hlui, Mike Shinoda, Rob Bourdon, Brad Delson, Joe Hahn bakah Warner Records chu an gropu hla ṭhenkhata a tha thawhna man engmah an pe lo niin a sawi. An band-in major record deal an siam hmasak ber aṭangin a zawm a, mahse, 1999 EP 'Hybrid Theory'-ah a hnathawh ve man pek a ni lo a, hei bakah kum 1999, October thla khan chhan engmah pawh awm loin chhuahtir a ni tih a sawi bawk. Band frontman hlui, Chester Bennington a thih hnuah, kum 2020 khan 'Hybrid Theory' 20th-anniversary box set hi an release a, hetah hian Christner hi credit engmah pek a ni lo. Thubuai a theh luhah hian, 'Could Have Been' tih hlaah pawh bass perhin, a hla siamnaah pawh a tel a, hei hi tihchhuah mumal loha an dah hnuah, tunah chuan YouTube lamah pawh million view a nei ṭep tawh tih a sawi.