Tiger 3-in ni hnih chhungin Rs. vbc 100 la lut

Salman Khan leh Katrina Kaif channa, Pathiannia tlangzarh 'Tiger 3' chuan ni hnih chhung lekin Rs vbc 101 a la lut thei. Hindi film zingah, 'Jawan' leh 'Pathaan' dawta ni hnih chhunga Rs vbc 100 la lut thei film pathumna a ni ta.

'Tiger 3' hi Salman Khan channa zingah box office-a century kai chak ber a ni a, Rs. vbc 100 chuang la lut thei film a neih 17-na a ni bawk. Hei bakah Bollywood film zingah Diwali-a tlangzarh nia sum la lut tam ber a ni bawk. Spy thriller hi YRF Spy Universe film pangana niin, Hindi bakah Telugu leh Tamil-in tihchhuah a ni. He film hi Rs vbc 500 la lut pha thei tura beisei a ni.