Lil' Kim-i'n a lehkhabu chhuak tur Bible aia hralh tam a ring

Hip-hop star, Lil' Kim chuan a lehkhabu chhuak tur,'The Queen Bee' chu tih chhuah a nih hunah khawvela lehkhabu hralh chhuah hnem ber, Holy Bible aia an hralh tam zawk a rin leh a beisei thu Instagram Live session a neihnaah a sawi.

'Lighters Up' hitmaker, kum 49 mi Lil' Kim chuan pre-sales an neih zat aṭanga chhutin, Bible aia an hralh tam ngei a rin thu hi a sawi a ni. Hemi rual hian a lehkhabu siamnaah hian publishing company ṭhenkhat nen buaina an neih thu sawiin, book company tam tak chuan remchanga lo hman an tum ṭhin avangin, midangte pawh fimkhur turin a chah nghal bawk.