Katy Perry-in 'Smile' music video a tichhuak

Katy Perry chuan Ningani liam ta khan a music video  thar 'Smile' chu facebook-ah a tlangzarh a, Zirtawpni aṭang kha chuan YouTube leh streaming platform dangah thlira ngaihthlak theihin a awm tawh.

Perry hian a album thar a tlangzarh ṭep tawh a, thla khat pawh a awm tawh lo tihah a album thar tur title track 'Smile' music video hi a tichhuak a ni.

Matthew Cullen chuan Perry video thar hi a direct a, music video aṭang hian a rai lian ve tawh hle tih pawh a hriat theih. A video tharah hian video game character-ah a chang a, naupang lam tan pawh video lawmawm tak tur a ni bawk. 'Smile' album hi tlangzarh hun tur sawn hlat a nih hnuah August 28 hian tlangzarh a tum a, Katy Perry studio album parukna tur niin single pali 'Never Really Over', 'Harleys in Hawaii', 'Daisies' leh 'Smile'-te a tichhuak ta a ni. Track 12, fan edition pali leh bonus track pahnih a awm ang.