Threads-in delete-na tur feature thar siam

Meta-in X (Twitter tih ṭhin) el tura a siam, Threads chuan delete feature thar a siam a, user-te'n an Instagram delete tel loin Threads profile chauh an delete thei tawh dawn. A hma chuan Threads leh Instagram hi an thlunzawm avangin, Instagram account pawh a delete tel nghal zel a ni.

Instagram head, Adam Mosseri chuan an feature thar chu user zawng zawngin an hman theih tura chhawp chhuah nghal a ni tih a sawi. Threads-a thil post-te Meta hnuaia platform dang, Instagram bakah Facebook-ah awlsam zawka share theihna tur, 'Suggesting posts on other apps' pawh siam tharin, hei hi app setting-a 'Privacy' section aṭangin thlan theih a ni. Kumin July thlaa an tlangzarh, Threads hi a tirah user nei ngah hle mah se, user-te beisei a phak loh leh, feature thar an siam chhunzawm mai loh avangin user hi a zahve velah an tla thla tawh a ni.