GN'R band an photographer hluiin a khing

Guns N' Roses band leh an management chu band photographer hlui, Katarina Benzova chuan copyright chungchangah leh, band manager Fernando chu a laka mipat hmeichhiat lam hawia mawi lo taka chea puhin a khing.

Benzova hian November 11 khan a khinna hi California-ah a theh lut a, Kum 2010 aṭanga 2022 thleng khan independent contractor angin GN'R tan hian a thawk a, concert vawi 364-ah a tel hman tih a sawi. A thubuai theh luhah hian band leh an camp hian a thlalak copyright chungchang chu an palzutsak nia sawiin, dik lo takin neitu nihna an nei niin an sawi a ni, a ti. Hei bakah hian kum 2016 aṭanga band manager-a ṭang, Leibeis chu a chungah mawi lo taka vawi eng emaw zat cheah a puh bawk. Mahse GN'R band leh an manager hian Benzova puhna hi thu dik lo nia sawiin, a khin letna pawh an theh lut ve bawk.