2020 Billboard Music Awards host tur Kelly Clarkson

American Idol hmasa ber Kelly Clarkson chuan October 14-a sem tur 2020 Billboard Music Awards a host dawn.

Kelly Clarkson hian nikum leh nikum hmasa lamah pawh khan Billboard Music Awards hi a lo host tawh a, kumin hi a zawna kum thum a host-na tur a ni tawh dawn bawk. Kumin Billboard Music Awards hi April 29-a sem tura ruahman kha a ni a, mahse coronavirus hripui leng vangin sawn hlat a ni a, October 14 hian sem a ni dawn ta zawk a, thla ruk laiin an sawn hla a ni.

Engtiang chiahin nge award semna ceremony hi an buatsaih dawn tih puan chian a la ni lo a, mahse live performer erawh an awm ngei dawn niin khawthlang lam media ṭhenkhat chuan an tarlang.