YG Entertainment leh BLACKPINK inbe mek

BLACKPINK in YG Entertainment nena an contract an renew dawn leh dawn loh chungchangah hun eng emaw chen thu chiang a awm loh hnuah, agency chuan official statement siamin, inbiakna an neih mek thu leh final result pawh an puanzar thuai tur thu an sawi.

BLACKPINK group hi kum sarih ni tawhin, Jennie leh Jisoo-te chuan YG Entertainment hi chhuahsanin anmahniin agency an din dawn nia sawi a awm a, Lisa pawh American agency lamin an bia nia sawi a ni bawk. Rose chuan YG contract hi a renew leh dawn tih sawi a awm loin, tun hnaiah Columbia Records chairman, Ron Penny nena meeting an neih leh avangin, ani pawh insawn a tum nia rin a ni bawk. September thla khan YG hian girl group nena an contract renew chungchang hi a puang dawn tih sawi mah se, tun thlengin thu chiang an la nei thei lo.