Reliance-in The Pokeman Company inremna siampui

India-a Reliance company entertainment unit, Viacom18 chuan video game company, Nintendo hnuaia The Pokemon Company chu inremna a siampui.

Inremna an siam hmang hian, JioCinema streaming app chuan Japanese anime series, episode 1,000 chuang leh movie 20 vel chu a pe chhuak dawn a ni. Heng show leh series-te hi Indian language pathumin 'dub' a ni ang. Reliance company neitu, Mukesh Ambani hian Indian streaming market-ah hian naupang en duh lam content hi tam zawk pek chhuah tumin hma a la, Pokemon series leh show-te bakah, Entertainment One, Animaccord, Cartoon Network Studios leh Dreamworks-te movie leh show pawh a dah tel dawn a, hengte nen hian JioCinema hian childrens content hi darkar 3,000 awh vel a dah belh dawn a ni.